ФРАНЦУЗИНОТ ЗАЧУДЕН: АТМОСФЕРАТА НА САД ОПЕН МЕ ПОТСЕТУВА НА ЗООЛОШКА ГРАДИНА

Искусниот 38-годишен француски тенисер Адриан Манарино остро ги критикуваше условите за игра на Отвореното првенство на САД, споредувајќи ја атмосферата на турнирот со зоолошка градина. Манарино беше елиминиран во второто коло откако убедливо загуби од Александар Бублик, а потоа искусниот Французин не го криеше своето незадоволство од она што се случуваше на трибините и околу теренот.

Неговите главни поплаки беа неподносливата бучава, постојаното движење на навивачите за време на поените, но и силниот мирис на марихуана. Манарино особено ги осуди новите правила на организаторите кои им дозволуваат на публиката слободно да се движи и да разговара за време на натпреварот, за разлика од претходната практика кога можеа да одат на своите места само за време на паузите. Тој рече дека ваквите промени немаат смисла и дефинитивно не се добри за играчите или за тенисот воопшто.

🗣️ “ÇA DEVIENT UN PEU LE ZOO” 😳🇺🇸

Adrian Mannarino revient sur les conditions de jeu à l’#USOpen plutôt… atypique.

“Maintenant les gens ont le droit de bouger dans le public pendant les points. Avant les gens avaient pas le droit de rentrer sur le court en dehors des… pic.twitter.com/HhEo1EoUHl

— Avantage Tennis 🎾 (@AvantageTennis_) September 3, 2026

Манарино не е првиот тенисер кој се жали на мирисот на канабис, а се претпоставува дека доаѓа од близок парк, со оглед на фактот дека рекреативната употреба на марихуана е легална во Њујорк. Сепак, и покрај големите фрустрации, моменталниот 67-ми играч во светот покажа спортски дух, нагласувајќи дека овие специфични услови не треба да бидат алиби за неговата лоша игра и рана елиминација.