ШВАЈЦАРЦИТЕ БЕСНИ: ЕМБОЛО ДОБИ ЦРВЕН КАРТОН ПОРАДИ СИМУЛИРАЊЕ!

Швајцарската репрезентација жестоко реагираше по елиминацијата од Аргентина (3:1 по продолженија) во четвртфиналето на Светското првенство, а главната причина беше контроверзниот црвен картон на Брил Емболо.

Напаѓачот на Швајцарија во второто полувреме беше исклучен откако ВАР утврди дека симулирал прекршок. Главниот судија првично му покажа жолт картон на Леандро Паредес, но по видеопрегледот беше утврдено дека Емболо почнал да паѓа уште пред контактот со аргентинскиот играч.

Бидејќи Емболо веќе имаше еден жолт картон, доби втор жолт и автоматски црвен картон, оставајќи ја Швајцарија со играч помалку при резултат 1:1. Нико Елведи, дефанзивецот на Швацарија беше во неверување по натпреварот:

Не можам да разберам како ВАР може да донесе ваква одлука.

Селекторот Мурат Јакин смета дека токму исклучувањето целосно го сменило текот на натпреварот.

По израмнувањето целосно го презедовме моментумот. Го контролиравме мечот и сакав да внесам свежи офанзивни играчи. Но, добивме црвен картон поради правило што за мене е апсолутно неразбирливо. Не заслуживме вака да бидеме елиминирани.

Капитенот Гранит Џака исто така беше разочаран.

Црвениот картон целосно го промени натпреварот. Многу тешко ја прифативме оваа одлука. Соблекувалната беше тивка и разочарана.

Емболо по исклучувањето не можеше да ги задржи солзите и беше тешен од соиграчите на клупата.

Интересно, тој стана само четвртиот фудбалер во последните 60 години на Светските првенства кој добил втор жолт картон поради симулирање, по Луис Перез (Мексико, 2006), Асамоа Гјан (Гана, 2006) и Франческо Тоти (Италија, 2002).

Embolo red card 👇

First one is not a foul according to the referee even tho there was a contact.

Second one is a foul.

FIFA should end this tournament and give the trophy to Argentina, all this is crazy at this point!🤦🏾‍♂️ https://t.co/D5YDIz5bG2 pic.twitter.com/lTB4OOGMyR

— Depegan of Lagos 🇳🇬🇺🇸 (@Mautiin01) July 12, 2026