ЗАПОЗНАЈ ГО НАЈГОЛЕМИОТ СТАДИОН ВО СВЕТОТ (ФОТО)
Објавено на: 28.12.2025
Мароко започна со реализација на еден од најамбициозните проекти во светскиот фудбал, изградбата на новиот Грант Стад Хасан Втори, стадион со планиран капацитет од околу 115.000 гледачи. Со тоа, оваа арена ќе стане една од најголемите и најмодерните во светот.
Стадионот ќе се наоѓа во близина на Казабланка и е дел од големиот инфраструктурен план на Мароко во пресрет на Светското првенство 2030, кое земјата ќе го организира заедно со Шпанија и Португалија. Архитектонски, арената ќе биде инспирирана од традиционалните марокански пустински шатори, со модерен дизајн и напредни технолошки решенија.
Проектот предвидува:
- капацитет од околу 115.000 седишта
- современи VIP и медиски ложи
- музејски простор и комерцијални зони
- максимална пристапност за лица со попреченост
Новиот стадион треба да биде завршен во втората половина на деценијата, пред почетокот на Мундијалот 2030 и веќе се споменува како потенцијален домаќин на најголемите натпревари, вклучувајќи го и големото финале, нешто на што нема да се согласи Шпанија.
Designed by Populous in partnership with Paris-based architects Oualalou + Choi, the spectacular 115,000-capacity Stade Hassan II in Casablanca, Morocco, will be the largest football stadium in the world.
Read more: https://t.co/Y7Yh5NaOQi pic.twitter.com/hrNyKFXyzw
— Populous (@Populous) August 21, 2024
Очекувањата се дека арената ќе биде нов дом на мароканската репрезентација, а можно е таму да играат и најтрофејните клубови од Казабланка, Видад и Раџа. Проектот не претставува само спортски објект, туку и силен симбол на амбициите на Мароко да стане водечка фудбалска сила на африканскиот континент и важен фактор на светската сцена.
Со Гранд Стад Хасан Втори, Мароко прави чекор кон една нова ера, ера на мегапроекти и организација на најголемите светски натпреварувања.
