БРАЗИЛСКА ОДБОЈКАРКА АКТИВНО ИГРА ВО ШЕСТИОТ МЕСЕЦ ОД БРЕМЕНОСТА! (ФОТО)

Присила Хелдес, одбојкарката на женскиот тим на Флуминенсе, ги освојува симпатиите во спортскиот свет по одлуката да остане активна на одбојкарските терени и покрај тоа што е бремена.

Хелдес пред неколку дена се појави на теренот со веќе оформен стомак и јасно се познава дека носи живот во неа. Присила во својата 33-та година од животот чека машко дете, а одлуката да игра и покрај тоа што е бремена, е поддржана и од нејзините доктори кои ја следат бременоста.

Терминот за породување ѝ е во јули, а ќе игра сè додека се чувствува способна, како што веќе изјави за бразилските медиуми. Жените од целиот свет ја поздравуваат нејзината храброст и посветеност кон професијата, станувајќи гласник на женската сила и детерминација.