ФЕРНАНДЕС: ОДИМЕ НА ОСВОЈУВАЊЕ НА СИТЕ ТРОФЕИ ОВАА СЕЗОНА

Еден од најистакнатите фудбалери на Манчестер Јунајтед од претходната сезона најавува конечно освојување на трофеи од сезоната која доаѓа.

Со доаѓањето на Санчо и Варан на Олд Трафорд, апетитите во црвениот дел на Манчестер се зголемуваат. Истото може да се забележи и од најавите на Бруно Фернандес, според кого претходната сезона без ниту еден трофеј нема да се повтори и оваа сезона.

 

Ланската сезона среќата не беше на нашата страна и не успеавме да освоиме ниту еден трофеј. Игравме во финалето на Лига Европа, но несреќно за нас загубивме. Без разлика на тоа кој ќе дојде, а кој ќе си замине, ние одиме на освојување на сите трофеио во секое натпреварување во кое учествуваме.

Веќе 9 години, Манчестер Јунајтед е без освоена титула во Премиер лигата. Дали новите засилувања и веќе воиграниот тим може да го детронизираат соседот од Манчестер?