МИОВСКИ ВО ИЗБОРОТ ЗА НАЈДОБАР ИГРАЧ НА СЕЗОНАТА ВО ШКОТСКА

Откако беше избран за најдобар фудбалер во Шкотска за 2024 година од страна на фудбалските новинари, Бојан Миовски се најде и во потесниот круг во изборот за најдобар фудбалер во шкотската Премиер лига за сезоната 2023/24.

Конкуренција на Миовски се Џек Батланд, голманот на Ренџерс, играчот за врска на Селтик, Мет О’Рајли и Лоренс Шекланд, офанзивецот на Хартс.

Ова е уште едно големо признание за македонскиот репрезентативец кој има сезона за паметење во дресот на Абердин, постигнувајќи 25 погодоци во сите натпреварувања, од кои 15 му се во лигата.