ЏАКА Е УШТЕ ЕДЕН ОД НИЗАТА ИГРАЧИ КОЈ СТАНА ШАМПИОН ОТКАКО ГО НАПУШТИ АРСЕНАЛ (ВИДЕО)

Оливие Жиру, Ешли Кол, Цеск Фабрегас, од постарите генерации Тиери Анри, Александер Хлеб, се само дел од десетиците фудбалери кои го напуштија или напуштиле Арсенал и освоиле титула веќе со следниот клуб за кој играат или играле.

Последниот таков случај е Гранит Џака. Швајцарскиот репрезентативец по седум сезони во Арсенал, пред почетокот на оваа сезона потпиша за Баер Леверкузен и веќе во првиот обид стигна до титулата во Бундеслигата. Фармацевтите од вчера и официјално се шампиони на Германија, ставајќи крај на 11-годишната доминација на Баерн Минхен.

Колку е големо острварувањето, покажува учинокот на тимот на Чаби Алонсо со 25 победи и 4 ремија во 29 натпревари, без пораз на 5 кола до крајот на првенството. Во Леверкузен се слави од вчера по петардата од 5-0 над Вердер, а во соблекувалната на домаќините беше вистинска фешта.

Расположениот Фримпонг лудуваше низ просторијата и се снимаше во живо на Инстаграм, кога во еден момент тргна накај Џака да го потсети една многу важна работа.

„Гранит, дојди. Дојди и кажи им на моите следбеници дека си шампион на Германија. Кажи им дека го напушти Арсенал и ја освои титулата“, гласно му се обрати Џереми Фримпонг.

I love how Jeremie Frimpong is hyping up Granit Xhaka on his IG live 🤣🔥 pic.twitter.com/fDnpoO4hlh

— Monti✌🏽 (@monti5ivestar) April 14, 2024