ПОВРЕДАТА НА ЛАУТАРО ГО ШОКИРА ИНТЕР

Интер ќе мора да се снаоѓа без својот капитен Лаутаро Мартинез во наредниот период. Медицинските прегледи покажале истегнување на задната ложа на левата нога кај аргентинскиот напаѓач, поради што го очекува пауза до ноемвриската репрезентативна пауза, објавуваат италијанските медиуми.

Мартинез се повреди по натпреварот со Клуб Бриж во Лигата на шампионите, на кој постигна два гола, но Интер сепак претрпе пораз од 3-4 пред домашната публика.

Според најавите, капитенот би можел да пропушти седум натпревари, меѓу кои и градското дерби против Милан на 31 октомври. На списокот на средби за кои не би бил достапен се и дуелите со Болоња, Шахтјор Доњецк, Фиорентина, Венеција, Феенорд и Комо.

Неговото отсуство доаѓа во незгоден момент за Интер, со оглед на одличниот учинок на напаѓачот на стартот од сезоната. Мартинез има шест постигнати голови и една асистенција на седум натпревари, а тренерскиот штаб сега ќе треба да најде решение за неговата замена во нападот.