СИТЕ ЌЕ НОСАТ ДРЕСОВИ СО БРОЈ 7 ВО ЧЕСТ НА КРИСТИЈАНО РОНАЛДО

Според португалските медиуми, сите фудбалери на Португалија пред почетокот на натпреварот со Данска ќе излезат на теренот облечени во дресови со бројот 7, кој со години го носеше Роналдо.

Планирана е и симболична пауза во седмата минута, со која навивачите ќе можат да му оддадат почит на легендарниот напаѓач. УЕФА ги одобрила двете иницијативи, кои ќе се реализираат на стадионот во Брага.

Одлуката била донесена на состанок на претседателот на Португалската фудбалска федерација, Педро Проенса, селекторот Жорже Жезус и репрезентативците Бернардо Силва, Рубен Дијаш и Бруно Фернандеш.

Роналдо дебитираше за Португалија во август 2003 година, а со репрезентацијата освои две големи титули – Европското првенство во 2016 и Лигата на нациите во 2019 година.