РЕАЛ МАДРИД И ДРУГИ ГИГАНТ СЕ „ТЕПААТ“ ЗА НЕГО, А ОЛИСЕ ВЕЌЕ ДОНЕЛ ОДЛУКА

Баерн Минхен пред две години за 60 милиони евра го доведе Мајкл Олисе од Кристал палас, а сега се гледа дека тоа бил еден од најдобрите потези во последно време на германскиот гигант. Олисе одлично се вклопи и веднаш го покажа целиот свој талент. За кратко време стана еден од клучните играчи на Баерн Минхен, па не случајно за него почнаа да се интересираат повеќе европски гиганти.

Реал Мадрид беше најзагреан да го „украде“ Олисе од Баерн. Сепак, мисијата на Реал ќе остане нереализирана, затоа што според најавите, Олисе се решил да го продолжи договорот со сегашниот клуб и да остане на „Алијанц Арена“ до јуни 2030 година.

Особено е значајно тоа што клубот од Минхен дејствуваше проактивно за да ја осигура иднината на еден од најбараните играчи во европскиот фудбал. Одлуката на Олисе да остане им дава поголема сигурност на стручниот штаб при планирањето за идните сезони, а истовремено внесува стабилност во напаѓачката линија на баварскиот тим.

Французинот поседува профил на играч способен да одговори на различните барања на модерната игра – без разлика дали станува збор за создавање бројчена предност на крилните позиции, упатување на завршен пас или преземање одговорност во последната третина од теренот. За Баерн, најважниот чекор сега е официјално да се потврди договорот, со што би се ставил крај на една од главните теми поврзани со клубот.

На 116 настапи за Баерн, 24-годишното крило има забележано 50 гола и 58 асистенции. Неговата пазарна вредност сега изнесува 180 милиони евра, односно три пати повеќе од тоа што Баерн плати за него пред само две години.