СКАЛОНИ ОСТАНУВА СЕЛЕКТОР НА АРГЕНТИНА ДО 2030 ГОДИНА

Лионел Скалони донесе одлука која ќе ги израдува фудбалските навивачи во Аргентина, ќе остане селектор на сениорската репрезентација на оваа земја.

Според информациите, 48-годишниот стратег наскоро ќе потпише нов договор со важност до крајот на Светското првенство во 2030 година.

Скалони ја презеде Аргентина по Мундијалот во Русија во 2018 година и во меѓувреме освои три големи трофеи со националниот тим. Со „гаучосите“ стана светски шампион во Катар во 2022 година, а двапати триумфираше и на Копа Америка, во 2021 и 2024 година.

На Светско првенство во Северна Америка, Аргентина стигна до финалето, каде што по продолженијата загуби од Шпанија со 0-1.

На досегашните 105 натпревари на клупата на аргентинската репрезентација, Скалони оствари 81 победа, 14 нерешени средби и 10 порази.

Сите овие успеси ги постигна со Лионел Меси како лидер и капитен на тимот. Поради неодамнешното збогување на Меси од репрезентативниот дрес, се појавија шпекулации дека и Скалони би можел да замине.

Сепак, селекторот решил да започне нова мисија и да ја спроведе постепената смена на генерациите, со цел да подготви конкурентен тим за следниот Мундијал.

Пред тоа, Аргентина ја очекува уште еден голем предизвик, одбрана на титулата на Копа Америка за две години.