СЕЛЕКТОРОТ НА ПОРТУГАЛИЈА ЖЕСТОКО РЕАГИРАШЕ КОГА ГО ПРАШАА ДАЛИ МУ НЕДОСТАСУВА РОНАЛДО ВО ТИМОТ
Објавено на: 15.11.2026
Селекторот на Португалија, Жорге Жезус беше многу лут по убедливиот пораз на свој терен од Данска со 1:4, во меч од Лига на нации. Пред почетокот на овој дуел имаше специјална посвета за Кристијано Роналдо кој неодамна реши дека се повлекува од репрезентацијата, па токму пресметката против Данска беше прва по ерата на Кристијано во националниот тим.
Португалија доживеа дебакл каков што немала повеќе од една деценија, а по мечот, селекторот Жезус дополнително збесна кога беше запрашан дали во екипата му недостасувал Роналдо.
„Како тоа дали ми недостасува Роналдо во тимот? Па тој веќе не е тука! Како може да ми недостасува кога тој повеќе не е дел од националниот тим. Единствено нешто што би можело да недостасува е присуството на Кристијано, чисто за да ми прави друштво. Тој веќе не игра и веќе не е тука. Тој веќе ја донесе својата одлука и Кристијано повеќе не е дел од тимот“, луто искоментира селекторот на португалската репрезентација.