ПРОБЛЕМ ЗА БАРСЕЛОНА: РОДРИ СЕ ПОВРЕДИ!
Објавено на: 04.11.2026
Барселона ја совлада Астон Вила (3-0) во четвртото коло од Лигата на шампионите, но по натпреварот тренерот Ханси Флик откри дека Родри има мускулни проблеми и неговиот настап на неделното дерби со Атлетико Мадрид е неизвесен.
Шпанскиот играч за врска почувствувал болка кон крајот на првото полувреме, но успеал да издржи до паузата. По консултација со лекарскиот тим било одлучено да не продолжи со игра, а на негово место влезе Марк Бернал.
„Почувствува мускулни проблеми. Мораме да почекаме до утре“, изјави Флик.
Дополнителните прегледи треба да покажат за каква повреда станува збор и колку време Родри би можел да отсуствува.
Барселона во недела гостува кај Атлетико во првенственото дерби, а евентуалното отсуство на Родри би било сериозен удар за тимот на Флик.
