НЕЈМАР ИМА СВОЈ ФАВОРИТ ЗА ЗЛАТНАТА ТОПКА: „ЈАМАЛ Е НАЈДОБРИОТ!“

Ламин Јамал доби посебно признание од својот фудбалски идол Нејмар. Бразилската ѕвезда преку објава на социјалните мрежи го пофали младиот ас на Барселона, нарекувајќи го „најдобар на светот“.

Пофалбата има дополнителна тежина бидејќи Јамал никогаш не криел дека како дете се восхитувал на играта на Нејмар и учел од неговите потези. Сега, фудбалерот кој му бил идол јавно го истакнува неговиот квалитет.

Јамал веќе се наметна како еден од најважните играчи на Барселона. Неговата техника, брзина и способност да создава предност во дуелите еден на еден го издвојуваат меѓу младите фудбалери.